پاکستان پیپلز پارٹی کی رہنما آصفہ بھٹو زرداری نے لیاری میں ریلی سے خطاب کرتے ہوئے کہا ہے کہ ہمارے پاس عوام دوست، غریب دوست منشور ہے۔
وعدہ ہے غربت اور بھوک کا خاتمہ کریں گے، کچی آبادی کو ریگولرائز کرکے مالکانہ حقوق دیں گے، لیاری ہمارے ساتھ کھڑا رہا، ہم بھی لیاری کے ساتھ کھڑے رہیں گے۔
دوسری جانب پاکستان پیپلزپارٹی سندھ کے جنرل سیکرٹری سینیٹر وقار مہدی نے کہا کہ اس وقت ملک میں بلاول بھٹو زرداری جیسا کوئی دوسرا ویژنری لیڈر نہیں ہے، ملک کی معاشی اور اقتصادی صورتحال بہتر بنانے کا منصوبہ صرف پیپلزپارٹی کے پاس ہے۔
کراچی شہر کو ہمیشہ پیپلزپارٹی ہی اون کرتی ہے، 35 سال تک شہر پر حکمرانی کرنے والوں نے پرامن کراچی کو خون آلودہ کیا، کراچی میں ایم کیو ایم کے تین میئر آئے لیکن انہوں نے کراچی کو سنوارنے کے بجائے اجاڑ دیا۔
پیپلزپارٹی کی صوبائی حکومت کی جانب سے کراچی میں اربوں روپے کے ترقیاتی منصوبے مکمل کیے گئے، پیپلز پارٹی 8 فروری کے انتخابات میں کراچی کی سنگل لارجیسٹ پارٹی ہو گی۔