مسلم لیگ ن کے قائد نواز شریف نے سیالکوٹ میں ن لیگ کے جلسہ عام سے خطاب کرتے ہوئے کہاکہ نوجوانوں کی بڑی تعداد ن لیگ کے ساتھ ہے۔
کون ہیں وہ لوگ جو کہتے ہیں یوتھ ن ليگ کے ساتھ نہيں، وہ آج کے جلسے میں دیکھ لیں، ہمارا منصوبہ ہے نوجوانوں کو ان کے پیروں پر کھڑا کریں گے ، کاروبار کے لیے قرضہ دیں گے، ہر نوجوان تک پہنچنےکی کوشش کریں گے۔
سیالکوٹ موٹروے دوبارہ بنےگی،لاہور سے سیالکوٹ ٹرین بھی چلائيں گے، سیالکوٹ باوفا لوگوں کا شہر ہے، سیالکوٹ اپنی پہچان رکھتا ہے، بہادر لوگوں کا شہر ہے، اس کا نام برصغیر میں گونجتا ہے۔
سیالکوٹ کا سب سےبڑا باوفا شخص خواجہ آصف میرے ساتھ کھڑا ہے، خواجہ آصف سے 34 سال کا تعلق نہیں یہ 55 سال کا تعلق ہے، خواجہ آصف اور میں نےگورنمنٹ کالج لاہور سے اکٹھےگریجویشن کی، خواجہ آصف کے والد نے میری سیاسی تربیت کی۔