ورلڈ ایتھلیٹکس فیڈریشن کے قوانین کے تحت کراچی میراتھن میں فل میراتھن کا فاصلہ 42.2، نصف میراتھن 21.1 کلومیٹر پر مشتمل ہوگی ۔
ورلڈ ایتھلیٹکس فیڈریشن سے منظور شدہ پاکستان میں پہلی میراتھن کراچی میں شروع ہوگئی، میراتھن میں خواتین، مرد اور بچوں سمیت شہریوں کی بڑی تعداد شریک ہے۔
میراتھن شروع ہونے سے قبل ایتھلیٹس سی ویو پر نشان پاکستان پہنچے، مردوخواتین اور بچوں سمیت شائقین کی بڑی تعداد نے بھی سی ویو کا رخ کیا جہاں لمبی لمبی قطاریں لگ گئیں۔
ایونٹ میں چار کیٹیگریز شامل ہونے کیلئے بچوں، بوڑھوں، جوانوں اور خواتین سمیت کراچی کے شہریوں کی بہت بڑی تعداد میں رجسٹریشن کروائی، پاکستان کا پہلا اسپورٹس چینل جیو سُپر میراتھن کو براہ راست نشر کر رہا ہے۔
پاکستان پہلی مرتبہ ورلڈ ایتھلیٹکس فیڈریشن سے منظور شدہ اور اُس کے قوانین کے تحت کراچی میراتھن میں فل میراتھن کا فاصلہ 42.2، ہاف میراتھن 21.1 کلومیٹر پر مشتمل ہوگی۔
اس کے علاوہ ریلے ریس اور 5 کلومیٹر کی فن ریس میں بھی شہری بھاگیں گے۔