کراچی کی انسداد دہشت گردی عدالت میں نقیب اللہ قتل کیس کی سماعت ہوئی، عدالت نے سابق ایس ایچ او امان اللہ مروت سمیت 7 ملزمان پر فرد جرم عائد کردی۔
ملزمان نے صحت جرم سے انکار کردیا۔تاہم عدالت نے آئندہ سماعت پر کیس کے گواہاں کو طلب کرلیا،کیس میں نامزد ملزمان میں گدا حسین، صداقت حسین، ریاض احمد، راجہ شمیم، عباس اور شعیب شامل ہیں۔
پراسیکیوشن کے مطابق سابق ایس ایس پی ملیر راؤ انوار سمیت 18 پولیس افسران و اہلکاروں کو بری کیا جاچکا ہے۔ مقدمہ میں سابق ایس ایچ او امان اللہ مروت سمیت 7 پولیس افسران و اہلکار مفرور تھے۔
ساتوں مفرور ملزمان نے انسداد دہشت گردی عدالت کے فیصلے کے بعد خود کو سرینڈر کیا تھا،پراسیکیوشن کا کہنا ہے کہ مقدمہ میں ایک ملزم شعیب شوٹر ضمانت جبکہ امان اللہ مروت سمیت 6 ملزمان گرفتار ہیں۔
واضح رہے کہ نقیب اللہ کو جنوری 2018 میں پولیس مقابلے میں ہلاک کیا گیا تھا۔