نگران وفاقی وزیر صحت ندیم جان نے نگران وزیر اطلاعات و نشریات مرتضیٰ سولنگی کے ساتھ پریس کانفرنس میںکہا ہے کہ سینکڑوں پاکستانی ڈاکٹرز غزہ میں اپنی خدمات ادا کرنے کے لیے تیار ہیں۔
خواہ ہم شہید ہو جائیں لیکن ہمیں غزہ بھجوا دیا جائے، جہاں ہم اہل غزہ کو اپنی خدمات پیش کر سکیں، غزہ کے معاملے پر پاکستان نے بھرپور آواز اٹھائی ہے۔
میرے پاس 500 ڈاکٹر موجود ہیں جو غزہ میں خدمات دینے کو تیار ہیں۔ ہمارے وزیراعظم نے بھی اس معاملے پر بھرپور آواز اٹھائی ہے۔ پاکستان غزہ متاثرین کی بھرپور مدد کرے گا۔
گلوبل ہیلتھ سمٹ پہلی بار ہو رہی ہے، جو کہ پاکستان کے لیے اعزاز کی بات ہے۔ اس کانفرنس میں غزہ کے موضوع پر بات کی جائے گی۔ پاکستان ویکسین پر کام شروع کرنا چاہتا ہے۔
ابھی ویکسین بنانے کی ہماری کپیسٹی نہیں ہے۔ لوگوں کے حقیقی مسائل صحت کے حوالے ہی سے ہیں۔ کورونا سے پہلے پبلک ہیلتھ سسٹم میں انویسٹ کرنے کی بات چل رہی تھی۔ کورونا سے 7 ٹریلین سے زائد کا نقصان ہوا۔