نجی نیوز چینل کے مطابق پاور پلانٹ کا نیا بریکر خریدنے میں تقریباً 15 روز لگ سکتے ہیں جب کہ متبادل ہائی ٹرانسمیشن لائن بھی شدید دھند کےباعث ٹرپ کرگئی ہے ۔
48 گھنٹے گزرنے کے باوجود پاور پلانٹ کے سوئچ یارڈ کے بریکر کی مرمت نہ ہوسکی، جس کے باعث سندھ، پنجاب اور بلوچستان کے مختلف علاقوں کو بجلی کی فراہمی 5 گھنٹے سے معطل ہے۔
دھوپ نکلنے تک بجلی کی بحالی مشکل ہے، سکھرڈویژن میں شدید سردی اور دھند کا راج ہے جس وجہ سے مختلف اضلاع میں بجلی کا نظام درہم برہم ہو گیا ہے۔
دھند کے باعث سیپکو کے مختلف 250 سے زائد فیڈرز ٹرپ کرگئے، متاثرہ اضلاع میں سکھر، شکارپور، لاڑکانہ،گھوٹکی اور دیگراضلاع شامل ہیں، دھوپ نکلنے اور دھندچھٹنےکے بعد ٹرپ فیڈرز کی بحالی کا کام شروع ہوگا۔