پاکستان تحریک انصاف (پی ٹی آئی) کے روپوش رہنما جمشید دستی نے کہا کہ سی ٹی ڈی نے میرے گھر چھاپہ مارا، گھر والوں کو تین گھنٹے تک یرغمال بنایا گیا اور گھر والوں اور بچوں پر تشدد کیا۔
موبائل فون چھینے گئے اور سی سی ٹی وی کیمرے توڑ دیے گئے،جمشید دستی نے چیف جسٹس سے معاملے کا نوٹس لینے کی اپیل بھی کی، مظفر گڑھ کے تھانیدار خرم ریاض نے جمشید دستی کے گھر پر چھاپے کا الزام مسترد کردیا۔
نہ جمشید دستی کے گھر چھاپہ مارا گیا، نہ فیملی کو ہراساں کیا گیا، جمشید دستی کی اہلیہ نے دو روز قبل کاغذات نامزدگی جمع کرائے، ان کی اہلیہ نے ریٹرننگ افسر کے سامنے ایسی کوئی شکایت نہیں کی۔
ایس ایچ او مظفر گڑھ کا کہنا تھاکہ اگر جمشید دستی کو کوئی شکایت ہے تو وہ متعلقہ فورم سے رجوع کرسکتے ہیں۔