الیکشن کمیشن نے آئندہ عام انتخابات کے لیے قومی و صوبائی اسملیوں کے نامزد امیدواروں کا ڈیٹا جاری جس کے مطابق قومی اسمبلی کے لیے کل 7 ہزار 473 نامز امیدوار جن میں 7 ہزار 28 مرد جبکہ 445 خواتین شامل ہیں۔
قومی اسمبلی کے امیدواروں 934 مرد اور 90 خواتین کے کاغذات نامزدگی مسترد ہوئے ۔
قومی اسمبلی کے لیے کاغذات نامزدگی منظور ہونے والے امیدواروں کی تعداد 6 ہزار 449 ہے جن میں مردوں کی تعداد 6 ہزار 94 جبکہ کاغذات نامزدگی منظور ہونے والی خواتین امیدواروں کی تعداد 355 ہے۔
قومی و صوبائی اسمبلی کی جنرل نشستوں پر کل 22 ہزار 711امیدواروں کے کاغذات نامزدگی منظور ہوئے جبکہ 3240 امیدواروں کے کاغذات مسترد ہوئے۔
الیکشن کمیشن کے مطابق چاروں صوبائی اسمبلیوں کے لیے 18 ہزار 478 امیدواروں نےکاغذات جمع کرائے جن میں 17 ہزار 670 مرد اور 808 خواتین شامل ہیں۔
آر اوز نے چاروں صوبائی اسمبلیوں کے لیے 2 ہزار 216 کاغذات مسترد کیے جن میں سے 2 ہزار 81 مرد اور 135 خواتین کے کاغذات مسترد ہوئے جب کہ چاروں صوبائی اسمبلیوں کے لیے 16 ہزار 262 کاغذات منظور ہوئے جن میں 15 ہزار 590 مرد اور 671 خواتین کے کاغذات منظور کیے گئے۔
الیکشن کمیشن کے مطابق ملک بھر میں مجموعی طور پر 25 ہزار 951 امیدواروں نے کاغذات نامزدگی جمع کرائے، قومی اور صوبائی اسمبلیوں کے لیے مجموعی طور پر 22 ہزار 711 کاغذات نامزدگی درست قرار دیے گئے جن میں 21 ہزار 684 مرد اور ایک ہزار 27 خواتین امیدوار شامل ہیں۔