دسمبر 2023 کے دوران 1021 ارب روپے کے محصولات جمع کیے گئے، دسمبر میں جاری 38 ارب روپےکے ریفنڈز ایڈجسٹ کرنے کے بعد خالص محصولات کی وصولی984 ارب روپے رہی۔
رواں مالی سال پہلی ششماہی کے ہدف 4425 ارب روپے کے مقابلے میں 4468 ارب روپے جمع کیےگئے، رواں مالی سال کی ششماہی کے دوران 4468 ارب روپےکے ریکارڈ محصولات جمع کیےگئے۔
براہ راست اور بالواسطہ ٹیکسوں کے تناسب میں بھی تبدیلی دیکھنے میں آئی، مالی سال کی پہلی ششماہی میں براہ راست ٹیکسوں کا حصہ بڑھ کر 49 فیصد ہوچکا ہے۔
صرف دسمبر کے مہینے میں براہ راست ٹیکسوں کا حصہ 59 فیصد ریکارڈ کیا گیا، رواں مالی سال پہلی ششماہی کے دوران براہ راست ٹیکسز کی مد میں 41 فیصد اضافہ ہوا،ٹیکس دہندگان کے مسلسل تعاون اور درست ڈیکلیریشنز کے بغیر یہ ہدف حاصل نہیں کیا جا سکتا تھا۔