اقوام متحدہ کے سیکریٹری جنرل آنٹونیو گوترش نے خبردار کیا ہے کہ غزہ میں جنگ جاری رہنے کی صورت میں علاقائی بحران وجود میں آنے کا خطرہ پایا جاتا ہے
اقوام متحدہ کے ترجمان اسٹیفن دوجاریک نے کہا ہے کہ غزہ میں اسرائیل اور حماس اور دیگر مزاحمتی گروہوں کے درمیان جنگ میں شدت آنے کے بعد اقوام متحدہ کے سیکریٹری جنرل کو اس جنگ سے بہت تشویش لاحق ہے۔
جس سے پورے علاقے ميں ایک بڑی تباہی کا امکان پایا جاتا ہے،دوجاریک نے کہا کہ مقبوضہ غرب اردن میں اسرائیلی فوج کی کاروائیوں میں شدت اور اس کے نتیجے میں جانوں کا ضیاع، بہت تشویشناک امر ہے-
لبنان اور اسرائیل کی سرحدوں پر روزانہ فائرنگ کے تبادلے سے کشیدگی میں مزید اضافے کا خطرہ ہے اور اس سے خطے کے استحکام پر اثر پڑے گا-
دوجاریک نے کہا کہ اقوام متحدہ کے سیکریٹری جنرل چاہتے ہیں کہ تمام فریقین زیادہ سے زیادہ تحمل کا مظاہرہ کریں اور خطے میں کشیدگی کو کم کرنے کے لیے فوری اقدامات کریں۔
اقوام متحدہ کے سیکرٹری جنرل نے ایک بار پھر غزہ میں فوری طور پر انسانی بنیادوں پر جنگ بندی اور تمام قیدیوں کی فوری اور غیر مشروط رہائی کا مطالبہ کیا ہے۔