آرمی چیف جنرل عاصم منیر نےکہا ہےکہ سوشل میڈیا پر ہیجان، مایوسی اور افراتفری کا ماحول پیدا کیا جا رہا ہے ، قوم کے ساتھ مل کر ہر قسم کے مافیا کی سرکوبی کریں گے۔
آرمی چیف نے نیشنل فارمرز کنونشن سے خطاب کرتے ہوئے کہا کہ سوشل میڈیا پر پاکستان کے بارے میں افواہیں اور منفی باتیں بتائی جا رہی ہیں۔
کلمےکے نام پر دو ہی ریاستیں قائم ہوئیں، ریاست طیبہ اور پاکستان، ریاست طیبہ اور ریاست پاکستان، یہ محض اتفاق نہیں ،پاکستان وسائل سے مالا مال ہے۔
پاکستان کے پاس، گلیشیئر، دریا، پہاڑ اور زرخیز زمین ہے، دنیا کا بہترین چاول، کینو، آم،گرینائٹ، سونا اور تانبا جیسے خزانے موجود ہیں۔
گرین پاکستان انیشیٹیو کا مقصد یہی ہےکہ ہمیں سب سے پہلے زراعت پرکام کرنا ہے، گرین پاکستان انیشیٹیو کی آمدن کا بڑا حصہ صوبوں کو جائےگا، باقی حصہ کسانوں اور زرعی ریسرچ کے لیے رکھا جائےگا۔
فوج کا گرین پاکستان انیشیٹیو میں کردار عوام اور کسانوں کی خدمت ہے، تمام اضلاع میں زرعی مالز کا انعقاد کیا جائےگا، زرعی مالز میں کسانوں کو ہر طرح کی زرعی سہولیات میسر ہوں گی۔
آسان زرعی قرض اور کولڈ اسٹوریج کی چین کو یقینی بنایا جائےگا، جینیٹیکلی انجینیئرڈ لائیو اسٹاک کی فراہمی بھی یقینی بنائی جائےگی اور موسمیاتی تبدیلی کے اثرات سے محفوظ بیج کی فراہمی یقینی بنائی جائے گی۔