مسلم لیگ ن کے سینیٹر اسحاق ڈار کا کہنا ہے کہ پارٹی میں ٹکٹوں کی تقسیم کا کوئی مسئلہ نہیں، پارٹی جس کا نام فائنل کرے گی وہی امیدوار انتخاب لڑے گا۔
پارٹی کی جانب سے جس کا نام فائنل کیا جائے گا وہی امیدوار انتخاب لڑے گا، باقی امیدوار اپنے کاغذاتِ نامزدگی واپس لے لیں گے ۔
ٹکٹیں 12 جنوری سے بہت پہلے فائنل کردی جائیں گی،سیٹ ایڈجسٹمنٹ محدود پیمانے پر ہوگی ، مولانا فضل الرحمان سے اچھے تعلقات ہیں ، عزت و احترام کا رشتہ ہے۔
احترام ایک طرف اور انتخابات ایک طرف ہیں،دوسری جانب لاہور میں قومی اسمبلی کی 14 میں سے 10نشستوں پر مسلم لیگ ن کی جانب سے نام سامنے آگئے ہیں۔
مسلم لیگ ن لاہور کے حلقہ این اے 117، 120،119 اور 121 میں اپنے امیدواروں کا فیصلہ نہ کرسکی، این اے 119 اور 120 میں مریم نواز نےکاغذات جمع کرائے ہیں۔
زیادہ امکان ہےکہ وہ 119 سے الیکشن لڑیں گی، باقی 10 حلقوں میں این اے 118 سے حمزہ شہباز، 122 سے سعد رفیق، 123 سے شہباز شریف، 124 سے رانا مبشر اور 125 سے سیف کھوکھر امیدوار ہوں گے۔
اس کے علاوہ 126 سے افضل کھوکھر، 127 سے عطا تارڑ، 128 سے حافظ نعمان، 129 سے مہر اشتیاق اور 130 سے نواز شریف خود میدان میں ہوں گے۔