ارنا کے مطابق یمن کی اعلی سیاسی کونسل نے یمن کے خلاف بحری اتحاد کی تشکیل کے ردعمل میں ایک بیان میں اعلان کیا ہے کہ امریکہ نے بحیرہ احمر میں تجارتی تحفظ کی آڑ میں بحری اتحاد کی تشکیل کا امریکی اقدام دشمنان اقدام ہے۔
یمنی فوج امریکہ کی ممکنہ جارحیت کا منہ توڑ اور حیران کن جواب دے گی، عالمی تجارت کی حمایت کی آڑ میں ملٹی نیشنل فورس کے قیام کا امریکی مقصد اسرائیل کی حمایت اور بحیرہ احمر اور خلیج عدن کو عسکری رنگ دینا ہے۔
امریکہ کے معاندانہ اقدامات کے بعد رونما ہونے والے تمام واقعات کا ذمہ دار امریکہ ہی ہوگا، صہیونی بحری جہازوں یا مقبوضہ علاقوں کی بندرگاہوں کی طرف جانے والے بحری جہازوں کو چھوڑ کر دیگر بحری جہازوں کے لیے راستہ محفوظ ہے۔