فلسطین کی تحریک حماس کے فوجی بازو القسام بریگیڈ نے ایک بیان میں اعلان کیا ہے اس نے صیہونی جارحیت کے جواب میں صیہونی آبادی کے علاقے نیر اسحاق کو اپنے رجو میزائل سے نشانہ بنایا ہے۔
فلسطین کی تحریک حماس کے فوجی بازو القسام بریگیڈ کے بیان میں آیا ہے کہ شمالی خان یونس میں صیہونی پیدل فوج کے ایک بکتربند دستے کو جوابی حملے کا نشانہ بنایا گیا جس میں اس صیہونی فوجی دستے کو خاصا نقصان پہنچا۔
جہاد اسلامی فلسطین کے فوجی بازو سرایا القدس نے بھی ایک بیان میں القسام بریگیڈ کے ساتھ المغراقہ نامی علاقے میں انجام دیئے جانے والے ایک مشترکہ آپریشن میں صیہونی فوج کے مرکاوا ٹینک کو تباہ کرنے کا اعلان کیا ہے۔
اس بیان میں کہا گیا ہے کہ مشرقی خان یونس میں الزلال مسجد کے اطراف میں صیہونی فوجی ٹھکانوں کو بھی القدس بٹالین نے نشانہ بنایا ہے۔ اس بیان کے مطابق جنوبی دیرالبلح میں بھی صیہونی فوجی ٹھکانے صیہونی جارحیت کے جواب میں حملوں کا نشانہ بنائے گئے ہیں۔