نگران حکومت نے ملک میں قیمتوں میں استحکام کیلیے پیاز کی برآمدات کو محدود اور سخت کرنے کا فیصلہ کرلیا،پیاز برآمد کرنے کی اجازت صرف ایڈوانس ادائیگی کی شرط پر ہوگی۔
پیاز کی برآمد کیلیے کم از کم ایکسپورٹ پرائس مقرر کی گئی ہے جو 750 ڈالر فی میٹرک ٹن ہوگی، یعنی اس قیمت سے کم پر پیاز برآمد کرنے کی اجازت نہیں ہوگی۔
پیاز کی برآمدات پر نئی شرائط 29 فروری 2024 تک لاگو رہیں گی۔ انھوں نے کہا کہ نگران حکومت کے اقدامات سے پیاز کی قیمتوں میں استحکام آئے گا، کسانوں کو فائدہ ہوگا اور زرمبادلہ بھی حاصل ہوگا۔
خیال رہے کہ پڑوسی ملک بھارت نے بھی پیاز کی قیمتوں میں استحکام کیلئے رواں سال اکتوبر میں پہلے پیاز کی برآمدات کیلیے کم ازکم پرائس مقرر کی تھی۔