لاہور ہائیکورٹ میں الیکشن کمیشن کے نوٹیفکیشن کے خلاف درخواست پاکستان تحریک انصاف (پی ٹی آئی) نے جمع کرائی۔
نجی نیوز چینل کے مطابق عمران خان نے جیل سے آراوز اور ڈی آر اوز کی تعیناتی کو چیلنج کرنےکا کہا، عمیر نیازی نے سابق چیئرمین پی ٹی آئی سے جیل ملاقات کے بعد لاہور ہائیکورٹ میں درخواست جمع کرائی۔
عمیر نیازی کی جانب سے ابوذر سلمان نیازی لاہور ہائیکورٹ میں پیش ہوئے، لاہور ہائیکورٹ کے حکم نامے پر سلمان ابوذرنیازی کو عمران خان نے شاباش دی۔
خیال رہے کہ سپریم کورٹ نے لاہور ہائیکورٹ کا ڈپٹی کمشنرز کے بطور ڈسٹرکٹ ریٹرننگ افسران( ڈی آر اوز)، ریٹرننگ افسران ( آر اوز) اور اسسٹنٹ ریٹرننگ افسران ( اے آر اوز) کی تعیناتی کا الیکشن کمیشن کا نوٹیفکیشن معطل کرنے کا فیصلے پر عملدرآمد روک دیا اور الیکشن کمیشن کو آج ہی انتخابی شیڈول جاری کرنے کا حکم دے دیا۔
عدالت نے تحریک انصاف سے تعلق رکھنے والے درخواست گزار عمیر نیازی کو نوٹس جاری کردیا۔