القسام بریگیڈ کے ترجمان نے اعلان کیا ہے کہ گزشتہ 72 گھنٹے کے دوران غزہ کی پٹی میں صیہونی فوج کی 72 بکتر بند گاڑیوں کو تباہ کر دیا گیا ہے۔
اسنا خبر رساں ایجنسی کی رپورٹ کے مطابق فلسطین کی اسلامی استقامتی تحریک حماس کے فوجی بازو القسام بریگیڈ کے ترجمان نے جمعرات کی رات کو بتایا کہ القسام کے مجاہدین نے غزہ کی پٹی میں جنگ کے مختلف محاذوں پر غاصب صیہونی فوج پر زبردست حملہ کیا۔ رپورٹ کے مطابق القسام بریگیڈ کے مجاہدین کے اس حملے میں غاصب صیہونی فوج کی 72 بکتر بند گاڑیوں کو مکمل یا جزوی طور پر تباہ کر دیا گیا۔
القسام بریگیڈ کے ترجمان نے یہ بھی بتایا کہ فلسطینی مجاہدین نے دشمن کی فوج پر مختلف قسم کے راکٹوں سے حملہ کیا جس کے نتیجے میں غاصب فوج کو خاصا جانی نقصان ہوا ہے۔ ہلاک ہونے والے صیہونی فوجیوں کی صحیح تعداد کے بارے میں ابھی کوئی رپورٹ موصول نہیں ہوئی ہے۔