انگلش پریمیئر لیگ کے 32 ویں سیزن میں ہفتہ کو مزید 7 میچوں کا فیصلہ ہوگا۔پہلا میچ ناٹنگھم فاریسٹ اور ٹوٹنہم ہاٹ پور کی ٹیموں کے درمیان سٹی گراؤنڈ، ناٹنگھم شائر میں کھیلا جائے گا
دوسرے میچ میں آرسنل اور برائٹن اینڈ ہوو البیون کی ٹیمیں ایمریٹس سٹیڈیم، لندن میں آمنے سامنے ہوں گی، تیسرا میچ بورن مائوتھ اور لوٹن ٹائون کی ٹیموں کے درمیان وائٹلٹی سٹیڈیم، بورن مائوتھ میں کھیلا جائے گا۔
چوتھا میچ شیفیلڈ یونائیٹڈ اور چیلسی کی ٹیموں کے درمیان سٹامفورڈ برج، لندن میں کھیلا جائے گا،پانچویں میچ میں دفاعی چیمپئن مانچسٹر سٹی اور کرسٹل پیلس کی ٹیمیں اتحاد سٹیڈیم، مانچسٹر کے مقام پر پنجہ آزمائی کریں گی ۔
چھٹا میچ نیو کیسل یونائیٹڈ اور فلہم کی ٹیموں کے درمیان سینٹ جیمز پارک، نیو کیسل میں کھیلا جائے گاجبکہ (کل) ہفتہ کے ساتویں اور آخری میچ میں برنلے اور ایورٹن کی ٹیمیں ٹرف مور، برنلے کے مقام پر آمنے سامنے ہوں گی ۔
یہ مجموعی طور پر ٹاپ فلائٹ انگلش فٹ بال کا 125واں ایڈیشن ہے جس کے شیڈول کا اعلان 15 جون 2023 کو کیا گیا تھا۔ مانچسٹر سٹی کی ٹیم ای پی ایل میں اپنے اعزاز کا دفاع کے لئے کوشاں ہے۔