برطانیہ میں اسرائیلی سفیر زیپی ہوٹو ویلی نے دو ٹوک الفاظ میں کہا ہے کہ ان کا ملک دو ریاستی حل کو غزہ میں جنگ ختم ہونے کے بعد بھی کسی صورت قبول نہیں کرے گا، بلکہ مکمل طور پر مسترد کرتا ہے۔
اسرائیلی سفیر زیپی ہوٹو ویلی نے کہا کہ اسرائیل آج یہ جانتا ہے اور پوری دنیا کو بھی یہ جان لینا چاہیے کہ فلسطینی اسرائیل کے ساتھ اپنی ریاست قائم نہیں کرنا چاہتے۔
جس طرح آج بھی فلسطینی اسرائیلی ریاست کے بغیر اپنا نقشہ اور نعرہ اونچی آواز میں پیش کر رہے ہیں کہ وہ ‘من النہر الی البحر اپنی ریاست چاہتے ہیں۔یہی ہمارا مؤقف ہے کوئی فلسطینی ریاست نہیں ہو سکتی۔
انہوں نے امریکی صدر جو بائیڈن کی یہ تجویز بھی مسترد کر دی کہ اسرائیل غزہ میں فلسطینی شہریوں کو بچانے کے لئے بلا امتیاز بمباری نہ کرےبلکہ دیکھ بھال کرکے صرف عسکری اہداف کو نشانہ بنایا جائے۔