بابر اعظم کی ٹیسٹ کرکٹ میں میچوں کی نصف سنچری مکمل
29 سالہ بابر اعظم نے آسٹریلیا کے خلاف تین میچوں کی سیریز کے پرتھ میں جمعرات کو شروع ہونے والے ابتدائی ٹیسٹ میچ میں شرکت کر کے ٹیسٹ میچوں کی نصف سنچری مکمل کرلی۔
اس موقع پر کپتان شان مسعود نے بابر اعظم کو سوینیئر اور کیپ پیش کی،شان مسعود نے بابر اعظم سے گفتگو کرتے ہوئے کہا کہ آپ کو ابھی بہت کچھ حاصل کرنا ہے۔
آپ نے پاکستان کی بیٹنگ کو تبدیل کیا ہے۔شان مسعود نے کہا کہ آپ نے ثابت کیا ہے کہ بلے باز ورلڈ کلاس بلے بازوں کی فہرست میں آسکتے ہیں، آپ نے پاکستان کی ٹیم کی کپتانی کی ہے۔
بابر اعظم آج جمعرات کو پرتھ میں آسٹریلیا کے خلاف کیریئر کا 50 واں ٹیسٹ میچ کھیل رہے ہیں ، بابر اعظم اپنے ٹیسٹ کیریئر میں 47.75 کی اوسط سے 3772 رنز بناچکے ہیں جس میں ان کی 9 سنچریاں اور 26 نصف سنچریاں شامل ہیں۔