صیہونی وزیراعظم بنجمن نیتن یاہو نے ایک خفیہ ٹیم تشکیل دی ہے جو اس حوالے سے منصوبہ بندی کرے گی کہ جنگ کے بعد غزہ میں کرنا کیا ہے۔
صیہونی نیوز چینل 13 نے اپنی ایک رپورٹ میں انکشاف کیا ہے کہ قومی سلامتی کے مشیر زاچی ہنیگبی اور اسٹریٹجک امور کے وزیر رون ڈرمر کی قیادت میں دفاعی ادارے کی اس خفیہ ٹیم کی چار ملاقاتیں ہوچکی ہیں اور توقع ہے کہ اس ہفتے دوبارہ میٹنگ ہوگی۔
اس خفیہ ٹیم میں صیہونی فوج، موساد اور شن بیٹ کے نمائندے بھی شامل ہیں۔
صیہونی فوج کے ایک سینئر اہلکار نے چینل 13 کو بتایا کہ امریکہ میں صیہونی حکومت کے سفیر مائیک ہرزوگ بھی ان میٹنگز میں موجود رہے ہیں اور امریکہ ان تمام معاملات سے آگاہ ہے۔
خیال رہے کہ نیتن یاہو پہلے کہہ چکے ہیں کہ صیہونی حکومت جنگ کے بعد بھی غزہ میں فوج کی موجودگی برقرار رکھے گا۔
بائیڈن انتظامیہ صیہونی حکومت کے ”اپنے دفاع کے حق“ کی حمایت کرتی رہی ہے، لیکن اس نے غزہ پر دوبارہ قبضے اور اس کی حدود میں کسی قسم کی کمی کی مخالفت کا اظہار کیا ہے۔