پاکستان تحریک انصاف (پی ٹی آئی) کا کہنا ہے کہ ریاستی پناہ میں عدالتوں سے خصوصی معافی دلوانا بھی انہیں معصوم ثابت نہیں کرسکا، قوم 8 فروری کو ن لیگ کی سیاست کو بھی مسترد کرکے دفن کردے گی۔
پاکستان مسلم لیگ ن کے قائد نواز شریف کی گفتگو پر ردعمل دیتے ہوئے پی ٹی آئی کے ترجمان نے کہا کہ شریف خاندان کی لوٹ مار کے قصے دہائیوں سے زبان زدِعام ہیں، خود کو مظلوم کہنے والا آج تک اپنے دفاع میں کوئی رسید پیش نہ کرسکا۔
این آر او سے خود کو سرخرو کہنے والے نواز شریف ڈیل اور ضمانتوں کا مجموعہ ہیں، پی ٹی آئی کی معاشی کارکردگی کا اعتراف شہباز حکومت میں اقتصادی سروے میں کیا گیا جبکہ شہباز شریف کی 17 ماہ کی حکومت میں معیشت کو ناقابلِ تلافی نقصان پہنچا۔