تبدیلی کے بعد ٹوئٹر پر اکتوبر سے ڈیسک ٹاپ صارفین کسی بھی خبر یا مضمون کے لنک کے ساتھ ہیڈلائن دیکھنے سے محروم ہوگئے تھے، البتہ موبائل صارفین کو ہیڈلائن دکھائی دیتی رہی۔
لیکن اب ایلون مسک نے دوبارہ ہیڈلائن دکھانے کے فیچر کو واپس متعارف کرانے کا اعلان کردیا، تاہم اب ہیڈلائن مختلف انداز میں نظر آئے گی۔
ایکس پر لنکس کے ساتھ دوبارہ ہیڈلائن کو دکھانے کا فیچر پیش کرنے پر کام کیا جا رہا ہے، اب کسی بھی لنکس کے ساتھ ہیڈ لائن تصویر کے اوپر نظر آئے گی۔
اس سے قبل شروع سے لے کر اکتوبر 2023 تک لنکس کے ساتھ ہیڈلائن تصاویر کے نیچے نظر آتی تھی، ٹوئٹر پر ہیڈلائن کو چھپانے کا فیچر کیوں پیش کیا گیا تھا اور اب دوبارہ کیوں اسے پیش کیا جا رہا ہے؟
یہ بھی واضح نہیں ہے کہ دوبارہ ہیڈلائن نظٖر آنے کے فیچر کی واپسی کب تک ہوگی، تاہم امکان ہے کہ اسے ایک سے دو ہفتوں کے اندر ہی پیش کردیا جائے گا۔
ممکنہ طور پر ہیڈلائن دکھانے کے فیچر کو صارفین کی فرمائش پر پیش کیا جا رہا ہے کیوں کہ ہیڈلائن نظر نہ آنے کی وجہ سے بہت سارے لوگ خبر کو خبر یا مضمون ہی نہیں سمجھ رہے تھے۔