نگران وزیر اطلاعات پنجاب عامر میر نے اسموگ کنٹرول کے لیے لاہور کے مختلف مقامات پر مصنوعی بارش کا عندیہ دے دیا، لاہور میں مخصوص مقامات پر مصنوعی بارش کیلئے کلاؤڈ سیڈنگ کی تیاری کی جارہی ہے، مصنوعی بارش کیلئے استعمال کی جانے والی ٹیکنالوجی نسبتاً کم خرچ ہے۔
کلاوڈ سیڈنگ کے لیے آسمان پر بادلوں کی موجودگی ضروری ہے اور بادلوں سے مشروط ہونےکی وجہ سے کلاؤڈ سیڈنگ کیلئے کسی حتمی تاریخ کا تعین ممکن نہیں۔
کلاؤڈ سیڈنگ میں مصنوعی بارش کیلئے بادلوں پر مخصوص سالٹ چھڑکا جاتا ہے ، چھڑکاؤ کیلئے جس جہاز کا استعمال کیا جانا ہے اسے آپریٹ کرنے کی تیاری کی جارہی ہے، مصنوعی بارش یا کلاؤڈ سیڈنگ جہاز کی بحالی کے بعد ہی ممکن ہو گی۔