غزہ: غزہ میں عارضی جنگ بندی کے دوسرے روز مزید قیدی رہا کیے جائیں گے۔
غیرملکی میڈیا کے مطابق حماس کی جانب سے آج مزید صیہونی یرغمالیوں کو رہا کیا جائے گا۔ صیہونی حکومت اور حماس کے درمیان 4 روزہ عارضی جنگ بندی معاہدے کے تحت گزشتہ روزحماس نے 24 جبکہ صیہونی حکومت نے 39 فلسطینی قیدیوں کو رہا کیا تھا۔
صیہونی وزیراعظم نتن یاہو کے دفترسے جاری بیان کے مطابق حماس کی جانب سے آج رہا کیے جانے والے صیہونیوں کی فہرست کا جائزہ لیا جا رہا ہے۔ دوسری جانب صیہونی حکومت کی فضائی حدود میں طیارے کی موجودگی کے شبے میں شمالی علاقے میں سائرن بجا دئیے گئے۔
حماس کے سربراہ اسماعیل ھنیہ نے کا کہنا ہے کہ حماس 4 روز کی جنگ بندی سمیت یرغمالیوں کی رہائی اوردیگر نکات پر عمل کرے گی تاہم اس کے انحصار صیہونی حکومت کی جانب سے بھی معاہدے پر مکمل عملدر آمد پر ہے۔حماس اور صیہونی فوج کے درمیان جنگ جمعہ کے روز صبح سویرے روک دی گئی۔ جنگ میں وقفے کا پچھلے سات ہفتوں میں یہ پہلا موقع ہے۔
غزہ میں 7 اکتوبر سے صیہونی حکومت کے وحشیانہ حملوں میں اب تک 6 ہزار سے زائد بچوں سمیت 15 ہزار فلسطینی شہید ہوچکے ہیں۔