لاہور، فیصل آباد، گوجرانوالا، ملتان، ساہیوال اور سرگودھا ڈویژن میں آج بھی تمام نجی و سرکاری تعلیمی ادارے بند رہیں گے ۔
مارکیٹیں تین بجے کھلیں گی جب کہ اتوار کو ہر طرح کا کاروبار بند رکھنا ہوگا، بہاولنگر میں شدیددھندکے باعث ایلیٹ فورس کی گاڑی سیم نہر میں جاگری جس کے نتیجے میں 2 جوان جاں بحق اور 3 زخمی ہوگئے۔
سرگودھا میں فضائی آلودگی کے باعث اسمارٹ لاک ڈاؤن لگایا گیا ہے لیکن حکومت کے اعلان کے باوجود متعدد نجی تعلیمی ادارے کھلے ہیں، اسموگ کےباوجودکاروباری اداروں کے ساتھ ساتھ ٹریفک بھی رواں دواں ہے۔
ضلعی انتظامیہ سرگودھا کے مطابق اسموگ کاسبب بنے والےاینٹوں کے 16 بھٹے سیل کرکے ان کے خلاف مقدمہ درج کرلیا گیا ہے۔
واضح رہے کہ دنیا کے آلودہ ترین شہر وں میں آج لاہور کا دوسرا اور کراچی کا چوتھا نمبر ہے جب کہ دہلی پہلے اور بھارتی شہر کولکتہ تیسرے نمبر پر ہے۔