نگران وفاقی کابینہ نے 3 رکنی کمیٹی تشکیل دے دی،کمیٹی کا سربراہ وزیرِ تجارت کو مقرر کر دیا گیا ہے جبکہ کمیٹی ارکان میں وزیرِ قانون اور وزیرِ منصبوبہ بندی بھی شامل ہیں۔
ذرائع کا کہنا ہے کہ کمیٹی ممنوع اشیاء کی درآمد کی اجازت کے لیے کیسوں کا جائزہ لے گی، امپورٹ اینڈ ایکسپورٹ پالیسی آرڈرز 2022ء کے تحت کمیٹی کیسوں کا جائزہ لے گی۔
کمیٹی ٹریڈ آرگنائزیشنز ایکٹ 2013ء کے سیکشن 21 کے تحت اپیلوں کو بھی سن سکے گی۔