کرکٹ کے تیز ترین فارمیٹ ابو ظہبی ٹی 10 کے ساتویں سیزن کا آغاز 28 نومبر سے ہو گا، جن میں دفاعی چیمپئن دکن گلیڈی ایٹرز ، نیویارک سٹرائیکرز ، ناردرن واریئرز، مورسویل سمپ آرمی، دہلی بلز، ٹیم ابوظہبی ، چنئی بریوز اور بنگلہ ٹائیگرز شامل ہیں ۔
میگا ایونٹ میں آٹھ ٹیمیں شرکت کریں گی،افتتاحی میچ دکن گلیڈی ایٹرز اور نیویارک اسٹرائیکرز کے درمیان 28 نومبر کو کھیلا جائے گا، راؤنڈ رابن مرحلے کی 4 صف اول کی ٹیمیں پلے آف کے لئے کوالیفائی کریں گی۔
ابتدائی 2 پوزیشن کی ٹیموں کے درمیان پہلا کوالیفائر 8 دسمبر کو کھیلا جائے گا ،تیسری اور چوتھی پوزیشن پر رہنے والی ٹیمیں ایلیمنیٹر میچ کھیلیں گی، دونوں میچوں کی فاتح ٹیم ایک ہی دن کوالیفائر 2 میں مقابلہ کرے گی۔
سنسنی خیز فائنل 9 دسمبر بروز ہفتہ کھیلا جائے گا،کرکٹ کے تیز ترین فارمیٹ کا ٹکٹ 10 درہم میں دستیاب ہے جسے آن لائن بھی خریدا جا سکتا ہے۔