دونوں رہنماؤں کے درمیان ملاقات کے دوران ورکنگ ریلیشن شپ کو مزید مضبوط بنانے پر اتفاق ہوا اور پی ٹی آئی چیئر مین عمران خان کے غیر جمہوری ہتھکنڈوں کا مل کر مقابلہ کرنے کے عزم کااعادہ کیا جبکہ صوبے میں ہونے والے ضمنی انتخابات مشترکہ طور پر لڑنے پر اتفاق کیا گیا۔
اسلام ٹائمز۔ وزیراعلیٰ پنجاب حمزہ شہباز نے لاہور کے بحریہ ٹاون میں سابق صدر آصف علی زرداری سے ملاقات کی۔ ملاقات میں باہمی دلچسپی کے امور سمیت ملکی سیاسی صورتحال پر تبادلہ خیال کیا گیا۔ ذرائع کے مطابق دونوں رہنماوں کے درمیان ملاقات کے دوران میں اتفاق ہوا ہے کہ ورکنگ ریلیشین کو مضبوط بنایا جائے گا، صوبے میں ہونیوالے ضمنی انتخابات مشترکہ طور پر لڑنے پر اتفاق کیا گیا۔ وزیراعلیٰ پنجاب حمزہ شہباز اور پیپلز پارٹی کے شریک چیئرمین آصف علی زرداری کے درمیان لاہور کے بلاول ہاؤس میں ملاقات ہوئی۔ ملاقات میں صوبائی وزراء عطا تارڑ، ملک محمد احمد علی، خواجہ سلمان رفیق، عمران گورایہ، وزیر اعلی سندھ مراد علی شاہ، شرجیل میمن، ڈاکٹر عاصم حسین، سید علی حیدر گیلانی، سید حسن مرتضیٰ موجود تھے۔
ملاقات کے دوران باہمی دلچسپی کے امور، سیاسی صورتحال اور ورکنگ ریلیشن پر تبادلہ خیال کیا گیا۔ اس دوران سابق صدر نے حمزہ شہباز کو وزارت اعلی کا منصب سنبھالنے پر مبارکباد دی۔ دونوں رہنماؤں کے درمیان ملاقات کے دوران ورکنگ ریلیشن شپ کو مزید مضبوط بنانے پر اتفاق ہوا اور پی ٹی آئی چیئر مین عمران خان کے غیر جمہوری ہتھکنڈوں کا مل کر مقابلہ کرنے کے عزم کااعادہ کیا جبکہ صوبے میں ہونے والے ضمنی انتخابات مشترکہ طور پر لڑنے پر اتفاق کیا گیا۔ وزیراعلیٰ پنجاب کا کہنا تھا کہ عوام کی خدمت کے سفر میں ایک ہیں اورایک رہیں گے۔ پیپلز پارٹی ہماری اتحادی جماعت ہے، ساتھ لیکر چلیں گے۔ ورکنگ ریلیشن شپ کو مزید بہتر بنانے کے حوالے سے مشاورت کا عمل جاری رہے گا۔ مسلم لیگ( ن) اور پیپلزپارٹی کا اتحاد عوام کی خدمت کیلئے ہے۔ سیاست کو عبادت سمجھتا ہوں اور اجتماعی فیصلوں قائل ہوں