مفتاح اسماعیل کی غیرملکی کرنسی اکاؤنٹس منجمد کرنےکی خبروں کی وضاحت

وفاقی وزیر خزانہ مفتاح اسماعیل نے کہا ہے کہ حکومت کا غیرملکی کرنسی اکاؤنٹس یا روشن ڈیجیٹل اکاؤنٹس کو منجمد کرنے یا لوگوں کے پرائیویٹ لاکرز پر قبضہ کرنے کا قطعی طور پر کوئی ارادہ نہیں۔

اپنی ٹوئٹ میں وفاقی وزیر خزانہ نے کہ کہا وزیر اعظم سرکاری اخراجات کو بچانے کے لیے کفایت شعاری کے اقدامات کا اعلان کریں گے لیکن مالیاتی ایمرجنسی کا کوئی اعلان نہیں کیا جائے گا اور نہ ہی کوئی مالی ایمرجنسی ہے۔

وفاقی وزیر نے کہا کہ پیٹرول کی قیمتوں میں دو بار اضافے کے بعد ہم مالی بحران سے نکل چکے ہیں۔

مفتاح اسماعیل نے مزید کہا کہ غیر ملکی کرنسی اکاؤنٹس یا روشن ڈیجیٹل اکاؤنٹس کو منجمد کرنے یا لوگوں کے پرائیویٹ لاکرز پر قبضہ کرنے کا قطعی طور پر کوئی ارادہ نہیں۔ ہم نے کبھی ان اقدامات پر غور بھی نہیں کیا۔ اور نہ ہی ہم کبھی ایسا کریں گے۔ اس بارے میں سوشل میڈیا پر قیاس آرائیاں غلط ہیں اور متعصب حلقوں سے آرہی ہیں