ایک ہفتے کے دوران انٹر بینک میں روپے کے مقابلے ڈالر، یورو اور برطانوی پونڈ سستا ہو گیا

فاریکس ایسوسی ایشن آف پاکستان کی رپورٹ کے مطابق ایک ہفتے کے دوران انٹر بینک میں روپے کے مقابلے ڈالر کی قدر میں95پیسے کی کمی واقع ہوئی۔

جس سے ڈالر کی قیمت خرید 198.70روپے سے کم ہو کر198.15روپے اور قیمت فروخت199.20روپے سے کم ہو کر198.25روپے ہو گئی تاہم مقامی اوپن کرنسی مارکیٹ میں ایک ہفتے کے دوران قدر میں کمی بیشی کے بعد ڈالر کی قیمت خرید197.50روپے اور قیمت فروخت198.50روپے پر برقرا ر رہی۔

زیر تبصرہ مدت میں یورو کی قیمت خرید 50پیسے کی کمی سے 211روپے سے گھٹ کر210.50روپے ہو گئی جبکہ 1روپے کی کمی سے یورو کی قیمت فروخت 213.50روپے سے گھٹ کر212.50روپے ہو گئی اسی طرح 1.50روپے کی کمی سے برطانوی پونڈ کی قیمت خرید 247روپے سے گھٹ کر245.50روپے اور قیمت فروخت250روپے سے گھٹ کر248.50روپے ہو گئی ۔فاریکس رپورٹ کے مطابق ہفتہ کو اوپن مارکیٹ میں روپے کے مقابلے ڈالر10پیسے مہنگا ہو گیا تاہم یورو اور برطانوی پونڈ کی قدر میں بالترتیب30،30پیسے کی کمی واقع ہوئی۔