آرسنل اور دفاعی چیمپئن مانچسٹر سٹی کی ٹیموں کے 24،24 پوائنٹس ہیں اور وہ بالترتیب دوسرے اور تیسرے نمبر پر موجود ہیں ۔
انگلش پریمیئر لیگ کے 32 ویں سیزن کے انتہائی دلچسپ اور کانٹے دار مقابلوں کا سلسلہ انگلینڈ میں جاری ہے۔یہ مجموعی طور پر ٹاپ فلائٹ انگلش فٹ بال کا 125واں ایڈیشن ہے جس کے شیڈول کا اعلان 15 جون 2023 کو کیا گیا تھا۔
لیگ میں شامل تمام 20 ٹیمیں اب تک 10،10 میچز کھیل چکی ہیں۔ٹوٹنہام ہاٹ پور کی ٹیم 10 میچ کھیل چکی ہے جس میں سے وہ 8 میں کامیاب رہی اور دو میچز میں اس کو شکست کا سامنا کرنا پڑا ، ٹوٹنہام ہاٹ پور کی ٹیم کی ٹیم سب سے زیادہ 26 پوائنٹس کے ساتھ ٹیبل پر ٹاپ پوزیشن پر ہے۔
آرسنل اور دفاعی چیمپئن مانچسٹر سٹی کی ٹیموں کے 24،24 پوائنٹس ہیں اور وہ بالترتیب دوسرے اور تیسرے نمبر پر موجود ہیں ۔ لیور پول کی ٹیم 7 میچز جیت چکی ہے اور وہ 23 پوائنٹس کے ساتھ چوتھے نمبر پر ہے ۔ آسٹن ولا کی ٹیم 22 پوائنٹس کے ساتھ پانچویں نمبر پر ہے۔
نیو کیسل یونائیٹڈ اور برائٹن اینڈ ہوو البیون کی ٹیمیں 17،17 پوائنٹ کے ساتھ بالترتیب چھٹے اور ساتویں نمبر پر ہیں۔ مانچسٹر یونائیٹڈ کی ٹیم 15 پوائنٹس کے ساتھ آٹھویں نمبر پر ہے۔ویسٹ ہیم کی ٹیم 14 پوائنٹس کے ساتھ نویں نمبر پر ہے جبکہ برینٹ فورڈ کی ٹیم 13 پوائنٹس کے ساتھ دسویں نمبر پر ہے۔