انٹرنیشنل کرکٹ کونسل(آئی سی سی )کے زیر اہتمام یہ میچ میگا ایونٹ کا 34واں میچ ہوگا اور دن 1 بجکر 30 منٹ پر شروع ہوگا، میگا ایونٹ میں نیدرلینڈز اور افغانستان ٹیمیں 6 ،6 میچ کھیل چکی ہیں اور افغانستان کی ٹیم تین میچ جیت چکی ہے جبکہ اس کو تین میچوں میں شکست کا سامنا کرنا پڑا ہے ۔
اسی طرح نیدرلینڈز کی ٹیم بھی 6 میچز کھیل چکی ہے جس میں سے اس کو چار میچوں میں شکست کا سامنا کرنا پڑا اور دو میچز میں اس کو فتح حاصل ہوئی تھی۔افغانستان کی ٹیم پوائنٹس ٹیبل پر 6 پوائنٹس کے ساتھ چھٹے نمبر پر ہے، نیدرلینڈز کی ٹیم 4 پوائنٹس کے ساتھ ٹیبل پر آٹھویں نمبر پر ہے۔
افغانستان ٹیم کوحشمت اللہ شہیدی لیڈ کر رہے ہیں جبکہ نیدرلینڈز کی ٹیم کو وکٹ کیپر بلے باز سکاٹ ایڈورڈز لیڈ کر رہے ہیں۔ آسٹریلوی ٹیم کو سب سے زیادہ 5 مرتبہ ٹائٹل جیتنے کا اعزاز حاصل ہے۔
بھارت اور ویسٹ انڈیز کی ٹیمیں دو، دو مرتبہ ٹائٹل جیت چکی ہیں جبکہ پاکستان ، انگلینڈ اور سری لنکا کی ٹیمیں ایک ایک مرتبہ ٹائٹل اپنے نام کر چکی ہے،میگا ایونٹ کا فائنل میچ 19 نومبر کو احمد آباد میں کھیلا جائے گا۔\