ٹیکنالوجی کمپنی ایپل نے شعاعوں کے متعلق تحفظات کو دور کرنے کے لیے فرانسیسی حکام کو اپنے آئی فون 12 کا سافٹ ویئر اپ ڈیٹ فراہم کر دیا۔
گزشتہ ہفتے فرانس نے آئی فون 12 کے الیکٹرومیگنیٹک شعاعوں سے متعلق ٹیسٹ میں ناکام ہونے کی صورت میں ملک میں فون کی فروخت پر پابندی عائد کی تھی۔
فرانس کی جانب سے ایپل کو اس مسئلے کو حل کرنے میں ناکامی پر ملک میں موجود تمام یونٹس واپس منگوانے کا حکم دیا تھا۔ جبکہ دیگر یورپی ممالک نے خبردار کیا تھا کہ وہ بھی فرانس کے فیصلے کی تائد کر سکتے ہیں۔
فرانسیسی ڈیجیٹل وزارت کے ذرائع کے مطابق فرانسیسی حکام کو منگل کے روز ایپل کی جانب سے آئی فون 12 کے لیے سافٹ ویئر کی اپ ڈیٹ موصول ہوگئی۔
کمپنی 15 ستمبر کو فرانس میں استعمال ہونے والے آزمائشی طریقہ کار کے مطابق سافٹ ویئر اپ ڈیٹ جاری کرے گی۔