انگلینڈ اور آئرلینڈ کی کرکٹ ٹیموں کے درمیان تین ایک روزہ بین الاقوامی میچوں پر مشتمل سیریز کا تیسرا میچ کائونٹی گرائونڈ، برسٹل کے مقام پر کھیلا جائے گا ۔
دونوں ٹیموں کے درمیان یہ میچ ڈے اینڈ نائٹ ہوگا۔انگلینڈ کو آئرش ٹیم کے خلاف تین میچوں کی سیریز میں 0-1 کی برتری حاصل ہے۔ تین میچوں کی سیریز کا پہلا میچ بارش کی نذر ہوگیا تھا ۔
دوسرے میچ میں برطانوی ٹیم نے مہمان آئرلینڈ کی ٹیم کو 48 رنز سے شکست دی تھی۔ آئرلینڈ کی ٹیم ان دنوں انگلینڈ کے دورہ پر ہے اور اپنے دوہ انگلینڈ کے دوران آئرش ٹیم میزبان برطانوی ٹیم کے خلاف تین ایک روزہ میچوں کی سیریز کھیلے گی۔
انگلینڈ ٹیم کی قیادت زیک کرائولی کریں گے جبکہ آئرلینڈ کی ٹیم کو پال سٹرلنگ لیڈ کریں گے۔ دونوں ٹیموں کے درمیان تین میچوں کی سیریز کا تیسرا اور آخری میچ 26 ستمبر کو برسٹل میں کھیلا جائے گا ۔