13 جنوری سے شروع ہونے والے انڈر 19 ورلڈ کپ میں کل16 ٹیمیں کولمبو کے پانچ مختلف مقامات پر 41میچز کھیلیں گی، افتتاحی میچ سری لنکا اور زمبابوے کے درمیان ہو گا ۔
آئی سی سی انڈر19 مینز کرکٹ ورلڈ کپ2024 کیلئے میزبان سری لنکا2006 ء کے بعد پہلی بار عالمی ایونٹ کی میزبانی کرے گا۔
آر پریما داسا انٹرنیشنل کرکٹ سٹیڈیم ٹورنامنٹ کے افتتاحی میچ سمیت 30 جنوری اور یکم فروری کو ہونے والے سیمی فائنلز اور 4 فروری کو فائنل میچ کی میزبانی کرے گا۔
جبکہ دیگر وینیوز میں پی سارا اوول، کولمبو کرکٹ کلب ، نونڈسکرپٹس کرکٹ کلب اور سنہالیسے سپورٹس کلب شامل ہیں۔ انڈر 19 ورلڈ کپ 2022ء کی ٹاپ 11 فل ممبرز ٹیموں نے براہ راست ایونٹ میں کوالیفائی کیا ہے۔
پانچ ٹیموں نمیبیا، نیپال، نیوزی لینڈ ، سکاٹ لینڈ اور یو ایس اے نے ریجنل کوالیفکیشن ایونٹس کے بعد کوالیفائی کیا۔ ایونٹ کے افتتاحی روز13 جنوری کو تین میچز ہوں گے۔