انجمن اساتذہ نے کلاسز کے بائیکاٹ کا اعلان کرتے ہوئے نگران وزیراعلیٰ سندھ سے جامعہ کراچی کے انتظامی بحران کا نوٹس لینے کا مطالبہ کیا ہے۔
جامعہ کراچی کے مالی و انتظامی مسائل انتہائی انقلابی اقدامات کے متقاضی ہیں، اساتذہ کی ترقیوں کے لیے سلیکشن بورڈز کا فوری انعقاد کیا جائے۔
اساتذہ کی تنخواہوں میں اعلان کردہ اضافے کو دیا جائے، ایک ہفتے سے اساتذہ کی جانب سے صرف ایوننگ پروگرام کا بائیکاٹ جاری تھا تاہم یہ احتجاج اب مارننگ کی کلاسز تک جاپہنچا ہے۔