سربراہ ایکس (سابقہ ٹوئٹر) ایلون مسک نے کہا کہ پلیٹ فارم ماہانہ بنیادوں پر معمولی فیس عائد کرنے جارہا ہے تاکہ پلیٹ فارم پر وسیع تعداد میں موجود بوٹس سے نمٹنے کے لیے ایکس سسٹم کو استعمال کیا جاسکے۔
تاہم، ایلون مسک کی جانب سے یہ نہیں بتایا گیا کہ نئے منصوبے کے تحت ایکس صارفین کو کتنی رقم ادا کرنی پڑے گی یا سبسکرائبر کو کونسے فیچر دستیاب ہوں گے۔
ایکس پر فی الحال 55 کروڑ ماہانہ صارفین ہیں جو روزانہ کی بنیادوں پر 10 کروڑ سے 20 کروڑ کے درمیان پوسٹ کرتے ہیں۔ اس لیے بوٹس کے مسئلے سے نمٹنے کے لیے ایک معمولی سی فیس کا متعارف کرایا جانا ضروری ہوگا۔
سبسکرپشن فیس بوٹس کے لیے اکاؤنٹ بنانا مشکل کرے گا کیوں کہ ہر بوٹ کو پلیٹ فارم پر رجسٹر ہونے کے لیے نئے کریڈٹ کارڈ کی ضرورت ہوگی۔