نگران وزیر خارجہ جلیل عباس جیلانی نے کہا ہے کہ معاشی ترقی پاکستان کی ترجیحات میں سرفہرست ہے، چین پاکستان کا سب سے بڑا تجارتی شراکت دار ہے۔
امریکا میں جاری اقوام متحدہ کے جنرل اسمبلی اجلاس میں شرکت کے موقع پر ایشیا سوسائٹی سے خطاب کرتے ہوئے انہوں نے کہا کہ پاکستان علاقائی تعاون کو فروغ دینے کا ہمیشہ حامی رہا ہے۔
دوسری جانب نیو یارک میں آرگنائیزیشن آف اسلامک کوآپریشن (او آئی سی) کے تحت جموں و کشمیر رابطہ گروپ کے اجلاس میں بھی وزیر خارجہ جلیل عباس جیلانی نے شرکت کی۔
اجلاس میں نگران وزیر خارجہ نے بھارتی مظالم اور نا انصافیوں پر بریفنگ دی۔اجلاس میں سعودی وزیرخارجہ شہزادہ فیصل بن فرحان بھی شریک ہوئے۔
سعودی عرب شورش زدہ علاقوں میں متاثرہ اقوام کی مدد پر کمر بستہ ہے، متاثرہ اقوام میں جموں و کشمیر کے شہری بھی شامل ہیں۔