آفیشل سیکرٹ ایکٹ کی خصوصی عدالت میں درخواست مسترد ہونے کے بعد پی ٹی آئی وکلاء نے جوڈیشل کمپلیکس کے باہر میڈیا سے گفتگو کرتے ہوئے کہا کہ سائفر ایک حقیقت ہے جسے کابینہ میں رکھا گیا، اس فیصلے کو اسلام آباد ہائی کورٹ میں چیلنج کریں گے۔
وکیل انتظار پنجوتھہ نے کہا کہ اس کیس میں چیئرمین پی ٹی آئی کو جیل میں رکھنا شرم ناک ہے، ہونا تو یہ چاہیے تھا کہ ڈونلڈ لو کو طلب کیا جاتا لیکن اب امید ہے کہ اسلام آباد ہائی کورٹ سے انصاف مل جائے گا۔
ہماری طرف سے تمام حقائق عدالت کے سامنے رکھے گئے، پراسیکیوشن کی جانب سے ان کیمرہ سماعت ہوئی، کیس میں پراسیکیوشن دلائل میں ناکام رہی لیکن پتا نہیں کیوں درخواست مسترد کردی گئی۔
ایک ملک کا اشتہاری نواز شریف وطن واپس آرہا ہے اور اس کے استقبال کے لیے تیاری کی جا رہی ہے، جو فیصلہ آیا انتہائی افسوس ناک فیصلہ ہے اسے چیلنج کیا جائے گا آج نظریہ دلاور کو دہرایا گیا ہے۔