صارفین ایس ڈی او ریونیو ایکسین کے دفاتر یا کسٹمر سروسز سینٹرز سے بلوں کی اقساط اور مقررہ تاریخ میں توسیع کروا سکتے ہیں،ترجمان آئیسکو
ترجمان آئیسکو راجہ عاصم کے مطابق سی ای او امجد خان کی ہدایت پر صارفین کی مشکلات کو حل کریں گےِ، صارفین کی سہولت کیلئے بجلی بلوں کی مقررہ تاریخوں میں بھی توسیع کی جارہی ہے۔
صارفین کی مشکلات کو دیکھتے ہوئے اضافی بوجھ کم سے کم کرنے کی کوشش کریں گے،آئیسکو کو فی یونٹ تقریباً سوا دو روپے منافع ملتا ہے۔
آئیسکو بجلی خرید کر معزز صارفین کو فروخت کرتی ، ٹیکسز اور ٹیرف میں اضافے سے متعلق اس میں آئیسکو کا کوئی کردار نہیں، آئیسکو بجلی خرید کر آگے فراہم کر دیتی ہے۔
ترجمان راجہ عاصم نے اپیل کی کہ بجلی صارفین کسی سرکاری تنصیبات کو نقصان نہ پہنچائیں، آئیسکو اپنے صارفین کے حقوق کا تحفظ کریگی ،یہ صرف سروس فراہم کرنے والی کمپنی ہیں۔