پاکستان سٹاک ایکسچینج میں ہنڈرڈ انڈیکس ایک لاکھ 15 ہزار پوائنٹس کی حد سے بھی نیچے آگیا۔
کاروباری ہفتے کے چوتھے روز کاروبار کے آغاز پر ہی سٹاک مارکیٹ میں شدید مندی دیکھنے میں آئی، 2500 سے زائد پوائنٹس کی کمی کے ساتھ پاکستان سٹاک ایکسچینج میں ہنڈرڈ انڈیکس ایک لاکھ 14 ہزار 661 پوائنٹس کی سطح پر پہنچ گیا۔
واضح رہے کہ گزشتہ روز کاروباری دن کے اختتام پر سٹاک مارکیٹ میں 100 انڈیکس 1204 پوائنٹس کی کمی کے ساتھ ایک لاکھ 17 ہزار 226 پوائنٹس کی سطح پر بند ہوا تھا۔
دوسری جانب انٹر بینک میں امریکی کرنسی 3 پیسے مہنگی ہوئی جس کے بعد ڈالر 280.97 روپے سے بڑھ کر 281 روپے پر پہنچ گیا ہے۔