عمر بڑھنے سے متعلقہ ماہرین کے درمیان بزرگوں میں تنہائی کا عنصر ایک بہت بڑی تشویش رہی ہے کیونکہ سماجی تنہائی ڈیمنشیا سمیت صحت کے مسائل، نفسیاتی عوارض اور اموات کا خطرہ بڑھاتی ہے۔
لیکن ایک نئی تحقیق سے پتہ چلتا ہے کہ، کم از کم امریکا میں یہ تشویش کسی حد تک غلط ثابت ہو گئی ہے کیونکہ بزرگوں کے بجائے وہاں ادھیڑ عمر افراد اس عوامل کا زیادہ شکار ہورہے ہیں۔
محققین نے جریدے ایجنگ اینڈ مینٹل ہیلتھ میں رپورٹ کیا کہ امریکا میں درمیانی عمر کے لوگ بزرگوں کے مقابلے میں زیادہ تنہائی کا تجربہ کرتے ہیں۔
29 ممالک میں 64,000 سے زیادہ لوگوں کے مطالعے کے جائزے کے مطابق ہالینڈ واحد دوسرا ملک ہے جہاں بزرگوں کے مقابلے درمیانی عمر کے افراد میں تنہائی زیادہ مرتکز ہے۔
ایموری یونیورسٹی کے رولنز سکول آف پبلک ہیلتھ کے سماجی اور نفسیاتی امراض کے ماہر اور اسسٹنٹ پروفیسر رابن رچرڈسن نے ایک نیوز ریلیز میں کہا، "ایک عام خیال ہے کہ لوگ عمر کے ساتھ ساتھ تنہا ہو جاتے ہیں لیکن حقیقت میں امریکا میں اس کے برعکس ہے جہاں درمیانی عمر کے لوگ زیادہ تنہا ہوتے ہیں۔