محکمہ موسمیات نے کراچی میں آج سے 23 اپریل کے دوران ہیٹ ویو جیسی صورتِ حال کا خدشہ ظاہر کردیا۔
محکمہ موسمیات کے مطابق کراچی میں آج سے آئندہ چند دنوں تک درجہ حرارت 39 سے 41 ڈگری سینٹی گریڈ تک جانے کا امکان ہے اور ہیٹ ویو کا خدشہ ہے۔
محکمہ موسمیات کا بتانا ہے کہ سندھ، پنجاب اور بلوچستان کے بیشتر علاقوں میں بھی شدید گرمی امکان ہے۔
محکمہ موسمیات کے مطابق گزشتہ روز دادو، نواب شاہ، سبی میں 47 ڈگری، موئنجوداڑو 46، سکھر، بہاول پور 45، مٹھی 44، حیدرآباد 42 اور ملتان میں درجہ حرات 42 ڈگری ریکارڈ کیا گیا ہے۔
دوسری جانب آزاد کشمیر کے دارالحکومت مظفراباد اور اٹھ مقام سمیت کئی علاقوں میں کل سے بارش کا سلسلہ جاری ہے۔