قومی ایئرلائنز کی جانب سے باکو کی پروازیں شروع ہونے سے قبل روڈ شو کا انعقاد کیا گیا۔
روڈ شو میں تمام ٹریول ایجنٹس، ٹور آپریٹرز اور سیاحت سے منسلک افراد نے شرکت کی، پی آئی اے اتوار 20 پریل سے لاہور سے باکو کیلئے ہفتہ وار پروازیں شروع کرے گا۔
پی آئی اے انتظامیہ کا کہنا ہے کہ ایشیا کا یورپ کہلائے جانے والا شہر باکو دنیا کے ایک بڑے سیاحتی مقام کی حیثیت سے ابھر رہا ہے، خوبصورت اور ترقی یافتہ شہر، لذیذ کھانوں، مذہبی اور ثقافتی مقامات باکو کی وجہ شہرت ہیں۔
شرکاء کو بریفنگ دیتے ہوئے انتظامیہ نے مزید کہا کہ لاہور کو مزید نئی ہروازیں دینے کی منصوبہ بندی کررہا ہے، پی آئی اے کی باکو کی پہلی پرواز، 174 مسافروں کو لے کر کل صبح روانہ ہوگی۔