ڈیرہ اسماعل خان میں سکیورٹی فورسز کے آپریشن میں 4 خوارج ہلاک ہوگئے جب کہ خوارج سے فائرنگ کے تبادلے میں سپاہی باسط صدیقی شہید ہوگئے.
آئی ایس پی آر کے مطابق سکیورٹی فورسز نے ڈیرہ اسماعیل خان میں خفیہ اطلاع پر آپریشن کیا جس میں 4 خوارج ہلاک ہوئے۔
آئی ایس پی آر کے مطابق آپریشن علاقہ مڈی میں خوارج کی موجودگی کی اطلاع پر کیا گیا، سکیورٹی فورسز نے خوارج کے ٹھکانے پر مؤثر انداز میں کارروائی کی۔
آئی ایس پی آر کا کہنا ہےکہ خوارج سے فائرنگ کے تبادلے میں سپاہی باسط صدیقی شہید ہوگئے۔ شہید 23سالہ سپاہی باسط صدیقی کا تعلق اٹک سے تھا۔
آئی ایس پی آر کے مطابق ہلاک خوارج کے قبضے سے اسلحہ و گولہ بارود برآمد ہوا۔ ہلاک خوارج علاقے میں دہشت گردی کی کارروائیوں میں ملوث تھے۔