اسلام آباد میں اچانک بارش کے ساتھ ہونے والی ژالہ باری سے سابق کرکٹر عمر گل کا گھر بھی متاثر ہوا۔
گزشتہ روز، وفاقی دارالحکومت میں ہونے والی ژالہ باری اور بڑے سائز کے اولے پڑنے سے گاڑیوں اور گھروں کی کھڑکیوں کے شیشے ٹوٹ گئے۔
اس حوالے سے سابق کرکٹر عمر گل نے سوشل میڈیا پلیٹ فارم ’’انسٹاگرام‘‘ پر اپنے گھر کی ویڈیو بھی شیئر کی جس میں دکھایا گیا کہ ان کے گھر کے اندر اور باہر بھی بڑے بڑے اولے پڑے۔
ویڈیوز میں دیکھا گیا کہ عمر گل گھر کے باہر شدید اولے پڑنے سے پوری جگہ سفید ہوگئی جبکہ ایک ویڈیو میں گھر کے باہر کا منظر بھی دکھایا گیا۔
عمر گل نے راستہ صاف کرنے کے لیے ویڈیو میں گھر کے باہر سے اولے بھی ہٹائے، شدید اولوں کے باعث گھر کے باہر درخت کے پتے بھی جھڑ گئے۔
سابق کرکٹر نے ویڈیو کیپشن میں دعا کرتے ہوئے کہا کہ زندگی میں اس طرح کا موسم پہلے کبھی نہیں دیکھا اور یہ کافی خوفناک تھا۔ اللہ ہم سب پر اپنا رحم کرے، آمین۔
واضح رہے کہ اسلام آباد میں ژالہ باری اور اولے پڑنے کی متعدد ویڈیوز سوشل میڈیا پر وائرل ہیں جس میں دیکھا گیا کہ لوگوں کافی مالی نقصان کا سامنا کرنا پڑا۔