بلوچستان کی ترقی میں پاک فوج سرگرم، پاک فوج کی جانب سے بلوچستان میں ترقی کے منصوبوں کا سلسلہ جاری ، پاک آرمی نے بلوچستان کی عوام کے لیے متعدد منصوبوں کو بروقت مکمل کر کے فعال کردیا ، منصوبوں میں سکول، کالج، ہسپتال، سٹیڈیم، پارک، سرکیں اور کوئلے کی کانیں شامل ہیں ۔
کوئلے کی کان کے مالک ملک کریم اللہ نے کہا کہ ہم ایف سی بلوچستان کے بہت شکرگزار ہیں جنہوں نے ہمارے ساتھ یہ معاہدے کرکے ایک دفعہ پھر ہماری زندگیوں میں امن اور خوشحالی لائی، 15 سے 20 فیصد ہماری پروڈکشن بڑھ گئی ہے،
کان کنوں نے مزید کہا کہ ہم بہت خوش ہیں، پورا علاقہ بہت خوش ہے، اب نوکریاں ہی نوکریاں ہیں، ایف سی کے آنے سے بہت امن ہوگیا ہے اور بہت سکون سے زندگی گزار رہے ہیں،
پرنسپل ایف سے پی ایس ہرنائی سلیم منور نے بتایا کہ ہرنائی کول مائین پروجیکٹ کے تعاون سے بچوں کی فیس میں کمی بھی ہو رہی ہے اور ان کے لیے ٹرانسپورٹ کا بھی انتظام کیا گیا ہے، سکول کی طالبہ نے بتایا کہ یہ سکول 2002 میں قیام پزیر ہوا اور وقت کے ساتھ ساتھ اس میں جو بہتری آئی ہے اس کی وجہ سے یہاں کا ماحول بہت اعلی درجے کا ہو گیا ہے،
پرنسپل ڈگری کالج حبیب اللہ کا کہنا تھا کہ ہم سمجھتے تھے کہ ایف سی صرف سرحد کی حفاظت کرتا ہے لیکن ہمیں معلوم ہوا کہ یہ ہر فن میں ہی بہت مہارت رکھتے ہیں، دوکی میڈیکل سینٹرکے ڈاکٹر مشاہد حسین کا کہنا تھا کہ ہمارے پاس لیب ٹیسٹ انویسٹگیشن کی تمام تر سہولیات بشمول الٹرا ساونڈ، ای سی جی موجود ہیں ، ایف سی کی جانب سے مریضوں میں دوائیاں بھی مفت فراہم کی جاتی ہیں
فٹ بال کھلاڑی امجد خان نے بتایا کہ ہم شکرگزار ہیں پاک فوج کے جنہوں نے ہمارے لیے زبردست سٹیڈیم تیار کیے ہیں، پاک فوج کا بہت احسان ہے جو بازاروں میں شمسی لائیٹس اور پارک بنوائے ہیں، ایف سی نے بہت غیرت کا کام کیا ہے جو عورتوں کے لیے آرام گاہیں اور باتھ روم بنائے جس پر ہم انہیں بہت شاباشی دیتے ہیں، بلوچستان کے شہریوں نے پاک فوج کی بے لوث خدمت کا خیر مقدم کرتے ہوئے انہیں خراج تحسین پیش کیا۔