بھارت میں سبزیوں، ٹماٹر، پیاز، مٹر، بیگن، لہسن اور ادرک کی قیمتیں چند ماہ میں دگنی سے بھی زیادہ ہو گئی ہیں اس وجہ سے فوری طور پر ایکسپورٹ ڈیوٹی عائد کی گئی
اکتیس دسمبر تک ڈیوٹی لگانے کا مقصد ملک میں سبزیوں کی موجودگی اور کم قیمت پر فروخت کو یقینی بنانا ہے۔ اس بارے میں متعلقہ محکمے نے نوٹیفکیشن بھی جاری کردیا ۔
وزارت خزانہ کا اس بارے میں کہنا ہےکہ انڈیا میں سالانہ ریٹیل افراط زر جولائی میں تیزی سے بڑھ کر 15 ماہ کی بلند ترین سطح 7.44 فیصد پر پہنچ گئی جو پچھلے مہینے 4.87 فیصد تھی۔
اشیائے خورونوش کی افراط زر،جو کہ صارفین کی مجموعی قیمتوں میں سے تقریباً نصف ہے، 11.51 فیصد تک پہنچ گئی۔