کراچی میں ہوا کے رخ میں تبدیلی کے باعث آج درجہ حرارت میں اضافہ متوقع ہے۔
موسمیاتی تجزیہ کار جواد میمن کے مطابق شہر میں شمال مغرب سے گرم ہوائیں چل رہی ہیں جس کے باعث آج شہر کا زیادہ سے زیادہ درجہ حرارت 36 سے 38 ڈگری سینٹی گریڈ تک پہنچ سکتا ہے۔
موسمیاتی تجزیہ کار نے بتایا کہ زیادہ نمی سے درجہ حرارت کی شدت 39 سے 41 ڈگری سینٹی گریڈ تک محسوس کی جاسکتی ہے جب کہ شام میں سمندری ہوائیں چلنے سے موسم بہتر ہو جائے گا۔
کراچی میں اپریل کے آخر میں ہیٹ ویو کا خطرہ
دوسری جانب محکمہ موسمیات کا بتانا ہےکہ ملک کے مختلف علاقوں میں 14 سے 19 اپریل کے دوران ہیٹ ویو کا امکان ہے، سندھ کے اکثر مقامات پر درجہ حرارت 46 سے 48 ڈگری سینٹی گریڈ تک پہنچ سکتا ہے۔
ترجمان محکمہ موسمیات نے کہا کہ جنوبی پنجاب اور سندھ کے میدانی علاقوں میں ہیٹ ویو جیسی صورتحال رہے گی، کراچی میں آئندہ 10 روز موسم معمول کے مطابق رہنےکا امکان ہے، شہر میں آج پارہ 38 ڈگری سینٹی گریڈ تک پہنچ سکتا ہے جب کہ کراچی میں اپریل کے آخر میں ہیٹ ویو کا خدشہ ہوسکتا ہے۔